Ә син тавышыңны бирдеңме?!

Әле өченче көн генә башкалабызның «Кол Шәриф» мәчете «Россия 10» проекты рейтингында 30 нчы урынга калган иде. Ә бүген ул, 20 баскычны сикереп үтеп, 11 нче урынга менеп кунаклаган. Аның өчен барлыгы 1 042 746 тавыш бирелгән иде. Татарстанның горурлыгы булган әлеге объект өчен теләгән һәркем тавыш бирә ала. Проектның рәсми сайтына керергә һәм шулай ук SMS-хәбәр аша 1880 номерына 15 дип тавыш бирергә генә кирәк. Проектның икенче этабы 30 августта төгәлләнә, финалга исә бары 30 объект кына керәчәк.