#Җәмгыять 07 февраль 2017, 12:51

«Татарстан-24» телеканалы сәгать саен яңалыклар белән таныштыра

07 февраль 2017, 12:51

«Эфир» белән «Казань» телекомпанияләре берләштерелеп, яңа барлыкка килгән «Татарстан-24» каналы бүген "челтәр" тарихын башлап җибәрде. «Татмедиа» составындагы район телекомпанияләре дә яңа каналның территориаль бүлекләре булачак. Телеканалның иң беренче партнеры исә - Яшел Үзәндәге "Зеленый Дол" телеканалы. Җәй башына республиканың барлык эфир телеканаллары «Татарстан-24» бренды астында эшләячәк. "Татар-информ" мәгълүмат агентлыгында узган...

Скопировать ссылку

«Татарстан-24» телеканалы сәгать саен яңалыклар белән таныштыра

- Каналның иҗади концепциясе дә үзгәрә. Телеканалда хәбәрләр татар һәм рус телләрендә бара, без ике теллелек принцибын саклап кала алдык, - диде Андрей Кузьмин.

«Мәгълүмат чаралары турында»гы федераль закондагы үзгәрешләр нәтиҗәсендә 20 түләүсез федераль телеканал билгеләнгән. Аларның һәрберсенә билгеле бер кнопка бирелгән. Телеканалларның контентында җирле программалар чыкмаячак. Шуңа да «Татарстан-24» гомумреспублика челтәрле канал булдыру идеясе туган. Ул пультның 22 кнопкасында булачак.

Яңа каналның төп концепциясе - тәүлегенә 24 сәгать эшләп, һәр сәгать саен республика яңалыкларын биреп бару. Телеканалда хәбәрләр татар һәм рус телләрендә бара. Телеканалның генераль директоры Сергей Лобов әйтүенчә, каналның потенциаль аудиториясе - 3 800 000 кеше, ягъни бөтен республика халкы. Аудиториясе - район һәм шәһәрләрдә яшәүче, югары белемле актив тормыш алып баручылар.

- Телеканалда һәр сәгать хәбәрләрдән башлана. Аларның 80 проценттан артыгы республика районнарыннан. Шулай ук мәгълүмати, аналитик, иҗтимагый-сәяси, фәнни-популяр тапшырулар да күп. Канал эфирына интервьюлар да чыга, экспертларның фикерләре белән дә таншытырып бара. Үз телепродукциясе 90 процентны алып тора, - диде ңурналистларга Сергей Лобов.

Хәзерге вакытта районнарда эшләүче журналистларның квалификацияләрен күтәрү буенча эшләр алып бара. Шуның нәтиҗәсендә контент тагын да сыйфатлырак булыр дип көтелә.