Татарстан Президенты Рөстәм Миңнеханов Россия Дәүләт Советының махсус консультатив комиссиясе составына керде

Консультатив комиссиянең төп функциясе - төбәк сәясәте үсешенең төп юнәлешләрен билгеләүдә катнашу. Чарада катнашучыларның барысына да чакыру телеграммалары юлланган. Аңарда, комиссия Президентка ил һәм аның субъектларының аеруча мөһим социаль-икътисади үсеш проблемаларын билгеләүдә ярдәм итү өчен чакырыла, диелгән. Аның составы дәүләт башлыгы тарафыннан губернаторлар корпусы арасында югары эшчәнлек нәтиҗәсенә ирешкән төбәк җитәкчеләре арасыннан сайлана.

Комиссия утырышлары елга ике тапкыр узачак. Яңа комиссиянең беренче утырышы 23 декабрьгә билгеләнгән, анда төп мәсьәләләр бюджетара мөнәсәбәтләр проблемалары һәм төбәкләрдә кризиска каршы көрәш булачак.

^{Фото: president.tatarstan.ru}