Ярдәм кулы сузыйк!

Быелгы кебек афәтле җәйне аксакаллар да хәтерләмибез, диләр. Яшенле яңгырлары гына түгел, җил-давыллары да күп булды. Безнең Нурлат районын да бу җәйдә табигать төрле яклап сынады. Моңа кадәр күрелмәгән көчле өермәләр шаһиты булдык. 1 июнь көнне хәтта ике тапкыр көчле өермә үтте районыбыз аша.

Ә менә 5 августта булган өермә Нурлат шәһәренең 8нче урта мәктәбендә техник персонал булып эшләүче Михеева Алевтиналарның Лобачевский урамындагы үз көчләре белән, бик авырлык белән төзегән яңа йортларының түбәсен каерып атты. Өйдәге барлык җиһаз яраксыз хәлгә килде. «Өй төзер өчен алган кредитыбыз да түләнеп бетмәгән, бик зур бит әле, ни хәлләр яшәрбез?!» - ди Алевтина, күз яшьләренә буылып.