"Карчыгым минем кем икәнемне дә белми..."
Яшь барган саен сырхауханә юлларын ешрак таптарга туры килә. Анда барсаң, тиз генә кайтам димә, яртышар көн шунда үтә. Табибга керергә чиратта утырганда, нинди кешеләр генә очрамый. 80 яшьлек бер бабай аеруча исемдә калды.
Яшь барган саен сырхауханә юлларын ешрак таптарга туры килә. Анда барсаң, тиз генә кайтам димә, яртышар көн шунда үтә. Табибга керергә чиратта утырганда, нинди кешеләр генә очрамый. 80 яшьлек бер бабай аеруча исемдә калды.
Ул таягына таянып кабалана-кабалана килеп басты да: “Зинһар, мине алданрак үткәреп җибәрә алмассыз микән? Тугызда башка җиргә барырга кирәк”, - ди. Сәгатемә күз салдым – 8.30. Әлбәттә, мин каршы килмәдем. Ул рәхмәт әйтә-әйтә яныма утырды, үзе һаман сәгатенә карый, ашыга.
Кая болай ашыгуын сорарга булдым. “Хастаханәгә барып, хатынымны ашатырга өлгерәсем бар”, - ди. Хатынында Альцгеймер авыруы икән, ягъни хәтере юк. “Ул хәтта минем кем икәнне дә белми”, - ди бабай. “Сезне белмәсә дә, көн саен янына йөрисезме?” – дип сорадым. Ул елмаеп, кулын әкрен генә иңемә куйды да: “Ул белмәсә дә, мине аның кем икәнен беләм”, - диде. Шул мизгелдә коридорга табиб чыкты: “Керегез!” – дип үзенә чакырды. Бабай таягына таянып кабинетка юл тотты...
Дөньяда мондый изге күңелле, мәрхәмәтле кешеләр булганда, киләчәккә өмет белән карыйсың, яшәүнең кадерен тоя башлыйсың икән ул...
Язилә, Казан
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Кыскача яңалыклар
32 миллион россияле кредит алуга үзенә тыю куйган
-
#Мәгариф
265 гариза арасыннан иң-иңнәр: «Авыл укытучысы. Авыл тәрбиячесе – 2026» бәйгесенең җиңүчеләре билгеле
-
#Кыскача яңалыклар
Снарядлар яуганчы ышык урынга качкан: МХО ветераны хәрбиләрне кисәткән мәче турында сөйләгән
-
#Җәмгыять
Сыер савудан дәүләт сатып алуларына кадәр: ясалма фәһем Татарстанда кайда кулланыла?
-
#Кыскача яңалыклар
Татарстан бәрәңге җыю буенча Россиядә лидер булды: уңышның 80 процентын халык үстергән
Комментарийлар