Үкереп елагач, тагын моң-зарын тыңламый булмады
Хезмәттәшебез Фираянең 41 яшендә 27 яшьлек егеткә кияүгә чыгуына шаккаттык. Иреннән дә шуның аркасында аерылган икән.
Хезмәттәшебез Фираянең 41 яшендә 27 яшьлек егеткә кияүгә чыгуына шаккаттык. Иреннән дә шуның аркасында аерылган икән.
Унтугыз яшьлек кызы бар инде Фираянең. Туганнары да күп бугай, әмма аларны шәхси тормышына якын китертми ул.
Яшь ире карап торышка таза-сау кеше, төзелеш өлкәсендә эшләп тә йөри кебек. Алар бер карасаң, дөньядагы иң бәхетле пар, җитәкләшеп кафега, концертларга йөриләр. Ә кайчак кара тавыш чыга, сәбәбе дә бар, Фирая яшь ирен нык көнләшә. Менә бүген дә нидер булган инде, и-и дулады, чәчләре тузгып беткән үзенең.
Үкереп елагач, тагын моң-зарын тыңламый булмады.
– Минем янга кайтмас инде ул хәзер, калыр инде шул хатын янында. Миңа хәзер кем карасын, нишлим? Кадерләгәннең кадерен белмәгән нәрсә, үзем ашамаганны ашатам, үзем кимәгәнне кидерәм бит мин аңа, – дип өзгәләнгән хатынны кызганып та куйдык. «Ашаган җиренә сыер да кайта, Фирая, елама, кайтыр», – дип, юата-юата, көчкә тынычландырып өенә озаттык, аннан барыбер юньле эш чыкмаячак. Хаклы булганбыз икән. Рәхәт тормышка ияләнгән ир йөреп туйгач, кайтып җиткән. Бергәләшеп әле төтен туздырып әрләшкән, әле култыклашып шырык-шырык йөргән ир белән хатынны күргәч: «Мондый язмыштан үзең сакла, Ходаем», – дип уйлап куябыз.
Айсылу,
Зәй.
Фото: https://www.freepik.com/
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Җәмгыять
Кем җиңә: рестораннармы, әллә әзер ризык китерү сервисларымы?
-
#Язмыш
Арчада кабат янгын: Коръән генә исән
-
#Язмалар
Арчада янгын: “Кычкыра-кычкыра янды бичара...”
-
#Киңәш сандыгы
Көя агачларны җимешсез калдырмас өчен нәрсә эшләргә?
-
#Кыскача яңалыклар
Казанда «Сайлау ноктасы» ачылды: яшьләр өчен яңа мәйданчык
Комментарийлар
9
0
Шул кирэк Фираяга,йормэснн яшьлэрне аздырып...
0
0
2
0
Яшь айгыр кирак булгач, туза инде униженияга.
0
0
0
1
Азынса картларыда шулай була инде,хатын-кыз узе гаепле.Ирлэрне азындыралар.торле мииимикалары белэн .Шигырь язган абыйларнын ВК ларына кереп укыган идём,гажэпкэ калдым,итэгатле дип уйлаган хатын-кызларда шагыйрьгэ мимика ясап Бер берсе белэн критика язышып яталар.Хатын-кызлар боза ирлэрне
0
0
1
0
Ул яшь ир барыбер карт хатыг янында тормаячак. Яшь ир өчен яшьләр усеп тора. Иртәме сонмы ул яшь ир , яшь хатын - кызга кучеп китәчәк. Бу табигать законы..
0
0