#Язмыш 03 август 2023, 08:25

Урыска кияүгә чыгыйммы: өенең һәр почмагында тәре, иконалар тезелгән

03 август 2023, 08:25

Беренче ирем татар иде. Аның белән озак яши алмадык. Ул эчте, мине гел кыйнады. Аерыштык. Хәзер тормышымда тагын берәү очрады.

Скопировать ссылку

Урыска кияүгә чыгыйммы: өенең һәр почмагында тәре, иконалар тезелгән

Акыллы, ягымлы, игътибарлы, ләкин рус милләтеннән. Әти-әнием бу хакта белүгә: “Уйлама да, әгәр руска кияүгә чыксаң, сезгә кунакка да килмибез”, – диделәр. Бер яктан караганда, ул кеше белән мин яшәячәкмен бит инде, әти-әни фикеренә колак салмасам да була кебек. Миңа инде 48 яшь. Ир эзләп йөри торган чагым түгел. Ә икенче яктан, өенең һәр почмагына диярлек тәре, иконаларын тезеп чыккан. Миңа андый мохиттә бик авыр. Минем үз динемне тотуыма каршы түгел үзе. Намазга бассам да, Коръән укысам да бер сүз әйтмәячәк. Тик бер гаиләдә ике төрле дин белән яшәп буламы икән? Нишләргә дә белмим. Миңа киңәш бирсәгез иде.

Исемем редакция өчен генә.

Фото: pixabay.com

Кызыклы яңалыкларны күзәтеп бару өчен безнең МАХ каналына кушылыгыз.

Язмага реакция белдерегез

Реакция язылган инде

Комментарийлар

Без имени

1

2

Картлык конегездэ тыныч тормышыгыз юньле булмый.Безнен авылда шундый очрак булды.Сугыштан алып кайткан хатыны,хахол хатыны татар теле белэн сөйлэшеп яшэде.Э,бабай авырта башлауга курше авылга чуквнырга йордек кичлэрен.э ахырдан исэ балалары Казанга алып китеп урыс зиратына җирлоэлелэр.

Без имени

1

2

Яшэучелэр бар ул ике динне дэ хермэт итеп, бэйрэмнэрне билгелэп утеп. Белэм андый гаилэлэрне. Алдан сейлэшеп куярга кирэктер бу турыда минемчэ. Хэм алар яшьтэн кавышкан парлар. Эти-эни фатихасын алырга кирэк билгеле ике яктан да.

Без имени

6

1

Әс-Сәләәмү гәләйкүм. "Коръән укысам да бер сүз әйтмәячәк" дип язасың, үзең Коръәннең татарча тәфсирендә укымагансың ахры!? "Сезнең өчен бай имансызга караганда фәкыйр Иманлы хәерерәк" ди АЛЛАҺ Тәгалә! Имансызлар белән Никах укылмый, Никахсыз яшәү - зина кылып яшәү була, Кыямәт көнендә җавап тотасыбыз бар!