#Әйтер сүзем бар 13 май 2014, 11:58

Америка ачабызмы?

13 май 2014, 11:58

«Шәһри Казан» газетасында (№41, 15.04.2014) «Казанда мәхәббәт паркы барлыкка киләчәк» дигән язманы укыгач, «бар әйберне яңадан ясау кирәкме икән?» дигән уй килде. Яшьләр - «Яңа өйләнешүчеләр» паркы безнең Казаныбызда бар бит. Аңа инде 1960 еллар ахырында нигез салынып, зур парк булып үсеп җиткән иде. Болганчык елларда (1990-2000) ташландык хәлдә булса...

Скопировать ссылку

Бу «Молодежный парк» 1000 еллык Казаныбызның яңа бистәсендә - Татарстан белән Девятаев урамнары арасында, Иделдән ерак түгел, бер ягы тимер юл белән чикләнә.
Равил әфәнде Габдрахмановка да тәкъдимем бар. Әгәр Сезнең паркка яңалык кертергә планнарыгыз бар икән, барып карап (җир сорап түгел), тәкъдимнәрегезне шәһәр мэриясенә бирә аласыздыр. Парклар күп алар, аларны тиешенчә карап, саклап тору гына чамалы. Яшь парларга агач утырту, йорт салу, бала үстерү - Коръән буенча да фарыз гамәл. Аны агач утырту айлыкларында кирәк урыннарга утыртып та буладыр.