Татарстан тарихы фоторәсемнәрдә чагыла
“ТАТМЕДИА” республика матбугат һәм массакүләм коммуникацияләр агентлыгы бинасы залында ТАССРның һәм Россия Федерациясенең атказанган мәдәният хезмәткәре Рөстәм Нәбиуллинның фотокүргәзмәсе эшли башлады.
Чара “Безнең мирас” журналы тарафыннан оештырылды. Рөстәм Нәбиуллин 1940 елның 19 апрелендә Лениногорск районының Зәй Каратай авылында туган.
– Рөстәм ага Нәбиуллинның фоторәсемнәрендә Татарстан тарихы чагыла. Бу документаль фотоларны туплап, китап чыгарсаң да яхшы булыр иде, – диде язучы, шагыйрь, “Безнең мирас” журналының баш мөхәррире Ләбиб Лерон фотокүргәзмәне ачу тантанасында.
“ТАТМЕДИА” акционерлык җәмгыятенең генераль директоры Шамил Садыйков, “Татарстан – Яңа Гасыр” телерадиокомпаниясенең генераль директоры Илшат Әминов, “Татарстан” дәүләт телерадиокомпаниясенең генераль директоры Фирдүс Гималтдинов үзләренең чыгышларында Рөстәм Хөснулла улы Нәбиуллинның фотоэшләренә югары бәя бирделәр.
– СССР чорында 1 Май һәм 7 ноябрь – Октябрь бәйрәмнәре колачлы уза иде. Урамнардагы халыкны фотога төшерүдән башланып китте мавыгуым. Телевидениедәге очрашуларны, татар зыялыларын фотога төшердем, – ди Рөстәм Нәбиуллин.
Дамир Бәдриев тексты һәм фотолары
Вход на сайт
Мөһим
-
#Язмалар
«Коллекциямдәге иң иске почта маркасы — 1876 елгы»
-
#Киңәш сандыгы
Эксперт фитофтора турындагы мифларга ачыклык кертте
-
#Кыскача яңалыклар
Саба районында самолет төшү нәтиҗәсендә ике кеше һәлак булган
-
#Авыл
Көзге ярминкәләр гөрли: кышка запас тупларга вакыт
-
#Спорт
«Ак барс» ка бәхет елмаймады...
Комментарийлар