#Җәмгыять 25 января 2016, 18:57 Уку өчен 2 минут

Татарстанның “Ел студенты” билгеле булды

25 января 2016, 18:57

Уку өчен 2 минут

Россия студентлары көнендә, традиция буларак, Татарстанның иң яхшы студентларын билгеләп үттеләр.

Скопировать ссылку

Татарстанның “Ел студенты” билгеле булды

Россия студентлары көнендә, традиция буларак, Татарстанның иң яхшы студентларын билгеләп үттеләр.

Бүген дә "Пирамида" сәхнәсе түренә уку, спорт, иҗат өлкәсендә үзен күрсәткән иң яхшы укучылар күтәрелде.

Премияне дәгъвалаучылар саны буенча быелгысы рекорд куйды: анда катнашу өчен 18 шәһәрдән 476 гариза килгән. Бу исә икенче дистәсен ваклый башлаган конкурсның студентлар арасында елдан-ел популярлыгы арта дигән сүз.

Быелгы "Ел студенты" республика премиясендә Икъдисад һәм идарә институтының Чаллы филиалы укучысы Диана Мамакова гран-прига лаек булды. Шул ук номинациядэ Казанның радиомеханика көллияте студенты Айнур Мингәрәев махсус бүләк иясе булды.