"Мин – өйләнгән ирнең сөяркәсе..."
Мин – өйләнгән ирнең сөяркәсе. Без танышканда, аның өйләнгәнен белмәдем, андый уй башыма да килмәде. Бу сер миңа бер елдан соң гына ачылды.
Мин – өйләнгән ирнең сөяркәсе. Без танышканда, аның өйләнгәнен белмәдем, андый уй башыма да килмәде. Бу сер миңа бер елдан соң гына ачылды.
Безнең очрашулар кайда гына булмады – кунакханә, сауна, минем фатир. Ә менә өенә беркайчан да чакырмады. Шул вакытта шикләнеп куйган идем, ләкин ышанасым килмәде, дөреслекне белүдән курыктым. Бераздан соң сер йомгагы барыбер чишелде. Ул өйләнгән булуын үзе сөйләп бирде. Төне буе елап чыктым, икенче көнне хәтта эшкә дә бара алмадым.
Бер көннән соң аңа: “Безгә аерылышырга кирәк, гафу ит”, - дип смс яздым. Ул каршы килмәде, ризалашты. Тик көннәр узган саен аннан башка яши алмавымны ныграк аңладым. Бер атнадан кабат смс яздым: “Мин синнән башка яши алмыйм, акылдан язам”. Ул килде. Шулай итеп, барысы да яңадан башланды...
Мин барысын да ничек бар, шулай кабул иттем. Яраткан кешемнең хатыны янына кайтып китүенә сабыр гына түздем. Әмма ул хатын төшләремә кереп яный башлады. Кайвакыт үземне күрә алмас дәрәҗәгә җитәм. Башка шәһәргә күченеп китәсем, югаласым килә. Ләкин сөйгәнем килеп кочаклап үбә дә, барысы да онытыла.
Еш кына кичләрен үземне кызганып елыйм. Миңа 25 яшь кенә бит әле. Гомеремнең чәчәк кебек чагы узып бара. Ул кеше белән киләчәгебез юк икәне көн кебек ачык. Тик мин аны үлеп яратам. Без бергә булганда, бар дөньямны онытам.
Күптән түгел ул миндә булганда, хатыны шалтыратты. Көндәшем сизенә бугай, чөнки телефон бертуктаусыз шалтырады. Сөйгәнемнең моңа бик нык борчылуын күргәч, аны хатыны янына кайтарып җибәрдем. Ә үземнең йөрәгем өзелеп төшә дип торам.
Менә шундый кыен хәлдә мин. Араларны өзәргә кирәк, әмма бу адымга барырга кыюлыгым җитми. Теге чактагы кебек кабат смс язырмын да, ул килеп җитәр һәм барысы да яңадан башланыр дип куркам. Ничек яшәргә? Зинһар киңәш бирегез.
Фото: pixabay.com
Чулпан, Түбән Кама
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Кыскача яңалыклар
Түләүле трассадагы фаҗига: хатын-кыз йөртүче суд каршына басачак
-
#Кыскача яңалыклар
Каршы як юлга чыккан хатын-кыз аркасында кеше һәлак булган
-
#Җәмгыять
Камчаткадан Африкага кадәр: Казанда дөнья осталарын җыйган этнофестиваль ачылды
-
#Язмыш
«Кызым егетен армиядән көтте, ә ул аерылган хатын янына киткән...»
-
#«Сәхнә» журналыннан
“Театр мине җибәрми”
Комментарийлар
0
0
Башын югалган шул инде нишлэргэ кирэген дэ белмэгэч.
0
0
3
3
Хатыны урынына узенне куеп кара.
0
0
4
0
Ния кирек ул сина синен эле барысыда алда юк беден булып кеше семьясын бозма син бит эле ящь узенден нерванды юкка бетер ме ёмехэббет ике яклы
0
0
1
3
Кеше бэхетен алып.баребер бэхетле була алмыйсын.алдагысын уйла.каргышы тешэ..тешми калмый.араны
0
0
3
1
Ул ир бернәрсә югалтмый бүре дә тук сарыкта исән җөтен көченне йодрыкка туплада аранны эз ин кулайлысы шул
0
0