Шәһри Казан

Кибәхуҗада курчак уйныйлар

Күптән түгел Югары Кибәхуҗа авылы мәдәният йорты каршында Фәнил Миннекәев җитәкчелегендә «Балачак» дип исемләнгән курчак театры студиясе оешты. Май бәйрәмнәре алдыннан алар тамашачылар хозурына үзләренең тәүге спектакльләрен - Габдулла Тукай әкияте буенча эшләнгән «Кәҗә белән Сарык» әсәрен тәкъдим иттеләр. Спектакль турында һич кенә дә, беренче коймак төерле, диясе килми. Нәни...

Реклама

Күптән түгел Югары Кибәхуҗа авылы мәдәният йорты каршында Фәнил Миннекәев җитәкчелегендә «Балачак» дип исемләнгән курчак театры студиясе оешты. Май бәйрәмнәре алдыннан алар тамашачылар хозурына үзләренең тәүге спектакльләрен - Габдулла Тукай әкияте буенча эшләнгән «Кәҗә белән Сарык» әсәрен тәкъдим иттеләр. Спектакль турында һич кенә дә, беренче коймак төерле, диясе килми. Нәни тамашачылар белән беррәттән, өлкәннәр дә спектакльне яратып кабул итте. Артистлары - Югары Кибәхуҗа урта мәктәбе укучылары профессиональ артистлардан ким уйнамыйлар. Әлеге коллективка: «Афәрин, булдырасыз!» - дип, бәхетле, иҗади гомер телибез. Коллективның тәүге спектаклен күрше Максабаш, Төрек-Тәмте авылларыннан, хәтта Теләчедән килгән тамашачылар да карады. Кибәхуҗалылар кулланышта булган курчакларны Чаллы курчак театрыннан алып кайтканнар. Сер итеп кенә әйтәбез, көзгә тагын бер спектакль куярга ниятлиләр. Бу хакта Чаллы театры белән сөйләшү булган инде. Бирсен Ходай! Алда аларны районыбыз авыллары буенча чыгышлар көтә.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: