#Авыл 11 апреля 2021, 20:54 Уку өчен 3 минут

“Күперне су басты. Үлем-китем генә була күрмәсен, зиратка юл ябылды”

11 апреля 2021, 20:54

Уку өчен 3 минут

Мамадыш районының Күк чишмә авылының яңа күперен су баскан. Утыз ике ел шушы хәл дәвам итә икән. Авылда сигез йортта гына яшәүчеләр бар, алары да өлкәннәр.

Скопировать ссылку

“Күперне су басты. Үлем-китем генә була күрмәсен, зиратка юл ябылды”

- Әтиемә - 93 яшь, әнием 90да. Аларны үзебезгә алып китәр идек, монда үләсебез килә, беркая китмибез, диләр. Аллаһ сакласын, үләргә дә куркып торырсың, чөнки зиратка юл ябылды, - дип сөйләде безгә авылга әти-әнисе янына кайткан Кәримулла абый Вәлиев.

Берсут елгасы аша салынган яңа күпер ничек шул хәлгә калган дип аптыраган идек, бактың исә ул төзелеп бетмәгән күпер икән. Авыл халкы шуны яңа күпер дип атап йөртә. Күпер советлар заманында ук төзелә башлаган.
- Безнең Мамадыш районындагы Дегетле авылында колония-поселение бар. Анда элек алимент түләмәгән белоруслар, украиннар яшәде. Күперне алар сала башлады. Советлар Союзы таркалды, алар өйләренә кайтып китте. Менә шуннан соң эш тукталды. Дүрт плитәсен урладылар да инде аның. Ел да бу күперне су баса. Июнь аена кадәр күперсез торабыз. Иске күпер бар, аның астында торба, өстенә туфрак өелеп куя. Су басканда ул ел да агып китә. Җәй көне авылда цех эшли, шуның хуҗасы җәй көне шул күперне өйдереп куя. Быел алар кайчан килер дә, күпер өеп куяр инде, - ди әңгәмәдәшем.

Зират түгел, күрше авылдагы кибеткә дә бара алмыйлар. Авыл җитәкчесе, нәрсә кирәк, языгыз, китереп китәм, дигән анысы. Әмма ул күпердән ничек чыгар, авыл халкы борчылып тора.
- Аның өстеннән чыгу бик куркыныч. Көне-төне яңгыр ява, шуып төшеп китәргә мөмкин. Авыл башлыгы үзе дә күперне төзетеп бетерү артыннан йөреп карады. Ел да килеп карап китәләр, булыр диләр дә, шуның белән бетә, - ди аптырашка калган Кәримулла абый.

Җәй көне кеше күп була, кышка юл булмагач, китеп баралар икән авылдан. Биредәге иң "яшь" кеше 1965 елгы...