Шәһри Казан

Рәйхат Сафиуллин: «Мине иң сөендергәне шул – кызлар кияү йортына бирнә сандыгы белән бара башладылар»

Зәй районында кызлар кияү йортына бирнәләрен сандыкка тутырып килә икән. Чишмәдән су ташырга үзләре белән көянтә дә алып баралар ди.

Туку станогында тукылган карават җәймәләре, идән паласлары аларда беркайчан да модадан чыкмаган. Зәй ягында урманга чабата киеп баручыларны күрсәгез дә аптырамагыз. Биредә ата-бабалардан калган һөнәрләр әле булса югалмаган, аларны дәвам итүчеләр биредә шактый.



Сандыкның урыны - түрдә

Шундыйларның берсе - Югары Шепкә авылыннан Рәйхат Сафиуллин. Сандыклар ясау остасы ул. Туган авылына биш-алты ел элек кайтып яши башлаган.

- Егерме елдан артык шофер булып эшләдем. Хәзер йортлар төзү, түбә ябу эшләре белән шөгыльләнәм. Әтиебез балта остасы иде, бала вакытта ук мине үзе белән бура бурарга йөртте. Агач эшенә хирыслык аннан дип уйлыйм. Соңгы вакытта татар халкының борынгыдан килгән һөнәр үрнәкләре кире кайта башлады. Минем дә сандык эшләп карыйсым килде. Кыш көннәрендә буш вакыт күп була, ә кул эшсез торырга күнекмәгән. Сандык ул урындык, өстәл ясау түгел. Аның үзенең бер хикмәте бар, ул бит безнеке - татарларныкы. Яшь киленнәр, ак әбиләр өчен иң кадерле әйбер булган, - ди ул.

Реклама



Биш-алты елда ул 30лап сандык ясаган, берсен ясау өчен ике атналап вакыт кирәк. Рәйхат абыйның сандыкларын үз районнарыннан гына түгел, Мөслим, Бөгелмә, Сарман, Түбән Кама, Чаллыдан да килеп алалар. «Мине иң сөендергәне: кызлар кияү йортына бирнә сандыгы белән бара башладылар», - ди Рәйхат абый.



Көянтәләр ясау уе да бар аның.
- Әти орчык кыра, баш тарагы, көянтәләр ясый иде. Ул эшләп калдырган көянтәләрне әле дә сорап киләләр. Шул эшкә үзем дә тотынырга уйлыйм. Аларын да кияүгә барырга җыенган яшь кызлар сорый. Безнең авылда килен булып төшкән кызларга су юлын күрсәтәләр. Чишмәдән алып кайткан суын ул сата. Суын эчкән кеше чиләгенә тимер акчалар сала. Су юлын күрсәтүчегә махсус бүләк тә әзерләп куя. Авылда шундый йола саклана, - ди ул.

Язманы әзерләүдә булышкан өчен, Зәй районы мәдәният бүлегенә рәхмәтебезне җиткерәбез.

Илдар Мөхәммәтҗанов фотолары

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    422
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    305
    2
    2
  • 1 февраля 2018 в 12:13
    Руслан Айсин: «Төп проблема – намус булмавында һәм рухи гариплектә» Телне саклап калу юллары бармы? Татарның милли үзаңын уятыр өчен нинди юнәлештә хәрәкәт итәргә? Рухи яктан ярлы булып, курчак кыяфәтенә кермәс өчен безгә ниләр эшләргә – болар хакында сәясәт белгече Руслан АЙСИН белән сөйләшик.
    353
    1
    3
  • 17 февраля 2018 в 14:54
    Батырлыкта өлеше бар Совет сугышчыларының Сталинград янындагы батырлыгына 75 ел тулган көннәрдә бу хакта күп языла, күп сөйләнә.
    29
    0
    1