Сәламәтлекне чанага төяп ташыйлар

Балык Бистәсе районының Балтач авылындагы Рәйзәлә белән Илназ Зариповлар үзләренең тырышлыклары белән авылдашлары арасында хөрмәт казанып яшиләр, өч балаларын тәрбияләп үстерәләр. Илназ да, Рәйзәлә дә бик киң күңеллеләр: кырыкмаса-кырык эшләрен калдырып торып, туганнарына һәм күрше-күләнгә булышырга ашыгалар.

Спортны яратулары, сәламәт тормыш рәвеше алып барулары ягыннан да мактауга лаек бу гаилә.
— Малларны карагач, иртәнге якта һәм төштән соң җыйнаулашып урамга чанада, чаңгыда шуарга чыгабыз. Көн саен шушылай чанага төяп сәламәтлек ташыйбыз. Коронавирусны өйгә кертмәскә исәп, - ди Илназ.
— Саф һавада хәрәкәтләнеп кергәч, аш-сулар да тәмле, - дип, иренең сүзен куәтләде Рәйзәлә.

Автор фотолары