Шәһри Казан

“Дини лидер ике канатлы булырга - дөньяви да, дини дә белемгә ия булырга тиеш”

18-23 ноябрьдә Казанда "Мәхәллә 2.1" мөселман лидеры мәктәбе эшләячәк.

Мәктәпне Казан университетының халыкара мөнәсәбәтләр, тарих һәм шәрыкне өйрәнү институты ислам мәгарифен һәм исламият фәнен үстерү ресурс үзәге Татарстан мөселманнары диния нәзарәте һәм Россия ислам институты белән берлектә оештыра. Әлеге проект узган ел уздырылган "Мәхәллә 2.0" мәктәбенең дәвамы булып тора.

Биш көн дәвам итәчәк "Мәхәллә 2.1" мәктәбендә 18-35 яшьлек актив мөселманнар катнашачак. Алар Универсиада авылында яшәр дип көтелә. Россия ислам институтының гуманитар дисциплиналар кафедрасы доценты Резидә Сафиуллина сүзләренчә, биш көнлек уку-укыту мәктәбендә яшьләр өчен лекцияләр укылачак, тренинглар уздырылачак һәм ислам дөньясында билгеле булган шәхесләр, аерым алганда, Россиянең Үзәк диния нәзарәте мөфтие Тәлгат хәзрәт Таҗетдин, Мәскәү Җәмигъ мәчете баш имам хатибы Илдар хәзрәт Галәветдинов, Чувашия мөфтие Әлбир Крганов һәм башкалар белән очрашулар узачак.

- Моннан йөз ел элек Исмәгыйль Гаспринский: "Дини лидер ике канатлы булырга - дөньяви да, дини дә белемгә ия булырга тиеш", - дигән. Мөселман лидеры мәктәбенең төп максатларының берсе дә дини һәм дөньяви белемне бергә куша белгән лидерлар булдыру. Бездә мәгариф системасы яхшы оештырылган, әмма ике төрле белемгә ия булып, шулар нигезендә эшли белергә дә кирәк. Ни өчен кирәк дигәндә, соңгы вакытта мөселманнар белән бәйле конфликтлар килеп чыкты. Яшь лидерлар дини яктан да, фән ягыннан да грамоталы булырга, законнарны да яхшы белергә тиеш, - дип сөйләде журналистлар белән очрашуда тарих фәннәре докторы Айдар Хабутдинов.

Реклама

"Мәхәллә 2.1" проекты координаторы Аммар әл-Анси Сафиуллин әйтеп үткәнчә, проектта, Татарстаннан кала, Урал, Идел буе, Мәскәү, Төньяк Кавказдан килгән 18-35 яшьлек 100 актив мөселман катнашачак. "Мәхәллә 2.1" мәктәбенең тагын бер максаты - яшь мөселманнарны социаль яктан активлаштыру, булган потеницалны җәмгыятькә файда китерүгә юнәлдерү һәм халыкка ислам кыйммәтләрен аңлату, - ди ул.

"Мәхәллә 2.1" мәктәбендә катнашучы нәтиҗәдә үз проектын булдырып, аны тормышка ашыру юлларын билгеләргә тиеш. Проектлар ислам мәгарифе, социаль инфраструктура, җәмгыятьне рухи яктан сәламәтләндерү һәм сыйфатлы мәгълүмат чыганагы булдыру юнәлешендә эшләнә ала.

Мөселман лидеры мәктәбе барышында мөселманнарның хәзерге җәмгыятьтәге урыны, дәүләт һәм коммерция структуралары белән элемтәләр булдыру проблемалары каралачак. Катнашучылар план кору һәм проектны тормышка ашыру юллары белән таныша алачак. Мәктәптә ораторлык осталыгы, риторика, исбатлау һәм дәлилләү буенча дәресләр уздырылачак. Шулай ук катнашучылар Россиянең төрле төбәкләреннән килгән мөселманнар белән танышып, тәҗрибә уртаклашачак.

Фото: gdb.rferl.org















Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 19 января 2018 в 14:32
    Балалар бакчасына түләү күпмегә арта?
    Быел 1 гыйнвардан балалар бакчасына түләү бәяләре артты. Былтыргы белән чагыштырганда (2017 елда түләүләр сигез процентка арткан иде) әллә ни күпкә түгел, дүрт процентка гына. Бу уртача 120 сум дигән сүз.
    83
    0
    1
  • 12 января 2018 в 11:37
    Татарстанда яшь ананы вәхшиләрчә үтерүдә гаепләнүче кулга алынган Түбән Камада чаңгы шуучы 29 яшьлек хатын-кызны үтерүдә шикләнелүче тоткарланган, дип хәбәр итә ТР Эчке эшләр министрлыгының матбугат хезмәте.
    324
    0
    0
  • 12 января 2018 в 14:42
    Эт елында этләнеп яшик?! Раштуада шәмнәр яндырып көзге алдында утырмасаң да, яңа гына башланып киткән елны фаразлавы кыен түгел. Чираттагы Кыш бабайны көткәндә, сайлаучылар алдында мескен күренергә тырышкан депутат кебек, салават күперебез дә аклы-каралы гына иде димәбез, иншалла, әмма чынбарлыгыбыз бөтенләй үк аллы-гөлле дә түгел.
    213
    0
    0
  • 12 января 2018 в 12:31
    Узган ел бәхетле булганбыз Яңа елга аяк басканда, узганына нәтиҗәләр ясау гадәте бар: бәяләр ни рәвешле уйнаган, без нихәтле яхшы яши башлаганбыз, тормыш дәрәҗәбез кай тирәдә икәнен чамалап тору кызык бит.
    108
    0
    0