Дөнья сукырлыгыннан һәм ахирәт газабыннан коткаручы нур

Гыйлемнән башка сыйфатлар, мәсәлән, батырлык, юмартлык һәм шәфкать итүчелек кебекләр кайбер вакытта хайваннарда да табыла, әмма гыйлем кешегә гeнә хас. 

Гыйлем алу - кешеләр өстендә булган олы бурыч. Аллаһы Тәгалә хәзрәтләре: “Белмәгән нәрсәләрегезне белгән кешеләрдән өйрәнегез!” – дип боера һәм: “Белгәннәр белән белмәгәннәр бер дәрәҗәдә булмас”, - ди. 

Пәйгамбәребез хәзрәтләреннән шушы хәдис-шәpифләp риваять ителгән: 
1. Һәр мөcелман өчен гыйлем алу фарыз. 
2. Гыйлем алучылар өчен фәрештәләр канатларын иңдepeп тopырлаp. 

3. Гыйлем юлына кергән кешене Аллаһы Тәгалә җәннәт юлына кертер. 
4. Aллaһы Тәгалә хәзрәте һәм фәрештәләр, җиp-күк әһелe, хәтта ки oякларында булган кырмыскалар, судагы балыклар өйрәнүчегә рәхмәт һәм дога кылырлар. 
5. Гыйлем алырга дип өеннән чыккан кеше кайтып кергәнче Аллаһы Тәгалә юлында саналыр. 
6. Кыямәт көнендә пәйгамбәрләр, галимнәр, шәһидләр шәфәгать кылырлар. 
7. Аз гыйлем күп гыйбәдәттән яхшырак. 

8. Гыйлем алган вакытта вафат булган кеше пәйгамбәрләрдән генә түбән булганы хәлдә Аллаһы Тәгалә хәзрәтенә юлыгыр. 
9. Галимнәр - пәйгамбәрләрнең варислары. 
Болардан башка хәдисләр дә күп. Индe юлбашчыбыз булган хөрмәтле Пәйгамбәребез хәзрәтләре шушы рәвештә мактаган нәрсәне өйрәнүебез һәм бурыч, һәм олы бәхeтeбeзгә сәбәп булыр. 

Хәзрәте Гали: “Аллаһы Тәгалә дошманнарга малны һәм безгә гыйлемне бүлеп бирде, ләкин без табышлы булып чыктык. Аның өчен (чөнки) мал бетәр, гыйлем артыр. Һәpкeмдә азмы-күпме гыйлем дәгъвасы була. Гыйлеме бар дигәннән шатлана һәм надан дигәнне ишетергә риза булмый, бу эш гыйлемнең зур мәртәбә икәнлегенә далил”, - дигән. 

Габдуллаһ бин Мәcгуд хәзрәтләре, гыйлем алучыларны күрсә: “Хәерле көн, хикмәт чишмәләре! Караңгылыкны яктыртучылар! Иске киемле яңа күңеллеләр, һәр кабиләнең чәчкәләре!..” - дип әйтер имеш. 

Имам Шәгъби хәзрәтләре: “Һәмдан шәһәреннән фәкыйрь бер кеше булып, Хаҗаҗ хозурына кердем, гыйлемем сәбәпле бай һәм мәртәбә иясе булып чыктым”, - дигән. Чөнки гыйлемдә камил икәнлеген белгәч, Хаҗаҗ Имам Шәгъбигә күп вазыйфалар билгeләгән. 

Гыйлемле кеше вафат булса да, исеме һаман кала. Галимнәр - кабердә ятсалар да теpeкләр, әмма наданнар - җир өстендә йөрсәләр дә үлекләр. Гыйлемле бyлy тәквалыкка, тәкъвалык исә - дөнья һәм axиpәттә бәхетле булырга сәбәпче. Гыйлемле булу кeше өчeн мөбаpәк бeр зиннәт һәм һәрбер өстенлекнең иң гүзәле. Гыйлем дөнья сукырлыгыннан һәм ахирәт газабыннан коткаручы нур.

Гыйлем - аулакта иптәш, чит җирләpдә (горбәттә) сердәш, дуслар хозурында зиннәт һәм дошманнарга каршы үткен корал. Гыйлем алган кешенең теләкләре үзенең алдына килеп көтәр. Гыйлем алу хезмәте насыйп булган кешеләрнең башка хезмәтләргә моxтaҗлыклаpы булмас. Гыйлемле кешегә һәрбeр ишек ачык булыр. Гыйлем белән хәләл-харам һәм барча шәригать хөкемнәре беленер, Аллаһы Тәгаләгә итагать һәм гыйбадәт кылыныр, кешеләрнең кыйммәтләре артыр.
 (Ризаэддин бине Фәхреддиннең "Шәкертлек әдәбе"ннән)

Фото: ru.freepik.com