Шәһри Казан

Мәүлид ән-Нәби дөньявилаша

Мөселман календаре буенча һижринең өченче ае - Рабигуль-Әүвәлнең 12нче көне Пәйгамбәребез Мөхәммәд (с.г.в.)нең туган көне - Мәүлид ән-Нәби бәйрәме дип исәпләнә.

Реклама

Чынлыкта Пәйгамбәребезнең төгәл кайсы көнне туган булуы билгесез булганлыктан, Мәүлид аның бу дөньяны калдырган көненнән башлана. Күпчелек мөселман илләрендә бу бәйрәмне ай дәвамында зурлап уздыралар: шәһәрләргә Коръән аятьләре язылган плакатлар эленә, мәчетләрдә яки аш уздыру мәҗлесләренә җыелышып нәшидләр, мөнәҗәтләр көйләнә, Пәйгамбәребез Мөхәммәд (с.г.в.)не мактап салаватлар әйтелә, вәгазьләр сөйләнә.
Пәйгамбәребез үзе исән вакытта беркайчан да туган көнен билгеләп узмаган. Шуңа күрә дә кайбер мөселманнар арасында бу бәйрәмне уздыру - дингә яңалык кертү, бидгать гамәл, дигән караш та яши. Әлеге бәйрәм тәүге тапкыр X-XI гасыр аралыгында Мисырда үткәрелә башлый.
Соңгы елларда бездә Мәүлид бәйрәмен үткәрү акрынлап сәхнәгә дә менә башлады. Быел исә 27 гыйнварда Россия мөфтиләр шурасы Мәскәүнең Крокус Сити Холл дип аталучы иң зур тамаша залларының берсендә танылган рус һәм чит ил җырчыларын җырлатып бәйрәм итәргә ниятли.
Мәүлид бәйрәменә багышланган төрле чаралар Казан мәчетләрендә дә үткәрелеп килә. Менә әле кичә генә шундый чараның берсе «Мәрҗани» мәчетендә узды. Ә 29 гыйнвар көнне шул ук «Мәрҗани» мәчетендә «Мөселман гореф-гадәтләрендә Мәүлид бәйрәме» дип исемләнгән түгәрәк өстәл узачак. Ә аңа кадәр бер көн алдан Камал театрында да бәйрәм концертының булуы көтелә. Былтыр концерт форматындагы шундый чара Тинчурин театрында узган иде. Бу бер яктан Мәүлид бәйрәме уңаеннан халкыбыз сәнгатен популярлаштыру булса, икенче яктан ничектер әлеге бәйрәмгә дөньявилык төсмере өсти кебек.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1159
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    549
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    406
    0
    0
Ночной режим