Елмаю да сәдака булып тора диләр: 12 - 19 мартка йолдызнамә

Кучкар (21 март – 20 апрель)
Атнагыз тыныч дулкында узар. Эш буенча бер кызыклы тәкъдим ясарга мөмкиннәр. Бу адым сезнең өчен бик билгесез тоелса да, артка чигенмәгез. Нәтиҗәсе бик уңышлы булыр. 

Үгезбозау (21 апрель – 20 май)
Бу көннәр бик тыгыз үтәчәк. Алдан эшләнмичә калган эшләр үзләре турында  искә төшерер, яңалары да өстәлер. Төп максат - әлеге зур “өемне” бушату. Ял турында онытып торырга туры килер.

Игезәкләр (21 май – 21 июнь)
Язгы кояш үзе турында искә төшерә башлады. Димәк, тиздән яз җитә. Яз - яңарышлар вакыты. Сез дә тормышыгызны бераз булса да үзгәртегез: я тышкы яктан, я эчке яктан.

Кысла (22 июнь – 22 июль)
Тормыш сезне ярата, ә сез аны. Сезнең арада бертигез мәхәббәт. Шуңа тиздән ул сезгә бик теләгән бүләк алып килер. Сездән исә бары якты йөз һәм рәхмәтле булу көтелә.

Арыслан (23 июль – 23 август) 
Ниһаять, җылы көннәр килде. Димәк сез үзегезнең кәефегез юклыгын салкын бураннарга аударып калдыра алмыйсыз. Мондый һава торышында моңсуланып йөрү урынсыз. Күбрәк елмаегыз!

Кыз (24 август – 23 сентябрь)
“Кем эшләми, шул ашамый” - татар халкында иң таралаган мәкаль. Бу көннәрдә ул сезнең өчен аеруча мөһим булыр. Кул сызганып эшләп алырга кирәк. Сезнең эшне сездән башка беркем дә эшләми.

Үлчәү (24 сентябрь – 23 октябрь)
Барысы да тыныч, үзгәрешсез бара сыман тоелырга мөмкин. Күңелсезләнеп калмагыз. Бу давыл алдыннан көч җыю гына. Тиздән бер-бер артлы үзгәрешләрдән башларыгыз әйләнер.

Чаян (24 октябрь – 22 ноябрь)
Үткәннән хәбәр буларак, көтелмәгән бер кеше белән очрашырга мөмкинсез. Хатирәләр сезне үткән вакытларга алып китәргә мөмкин. Тик анда озакка калмагыз. Киләчәккә атлар өчен, үткәнне җибәрергә кирәк. 

Укчы ( 23 ноябрь – 21 декабрь )
Авыр сорауга җавапны табарга гаиләгез булышыр. Оялып, “үзем булдырам” дип торырга кирәкми. Бергә сез һичшиксез бөтен авырлыкларны кичеп чыгачаксыз. Алар сезне, сез аларны кадерләгез.

Кәҗәмөгез (22 декабрь – 20 гыйнвар)
Кәеф яз көне һава торышы кебек уйнарга мөмкин: я елмаеп кояш чыга, я яңгыр сибәли, я көтмәгәндә буран котыра. Хисләрегезне кулда тотырга кирәк булыр, тирә-юньдәгеләргә зыян китермәсен.

Сукояр (21 гыйнвар – 18 февраль)
Сукоярлар һәрвакыттагыча күтәренке кәефтә. Сезнең бар әйбердән дә уңай яклар таба белүегез башкаларны гаҗәпләндерә дә, шул ук вакытта сокландыра да. Тиздән бу сәләтнең серен сорый башларлар.

Балык (19 февраль – 20 март)
Елмаю да сәдака булып тора диләр. Сезнең елмаюыгыз кешенең кәефен күтәрергә мөмкин, җылы сүзегез кемнеңдер күңел ярасын төзәтә ала. Сездә үзегез уйлаганнан да күбрәк көч бар.
 
Фото: ru.freepik.com