«Әлмәтнефть» идарәсеннән 600 миллион тонна нефть
Әлеге тантаналы вакыйга белән идарә коллективын «Татнефть» ААҖ генераль директоры, Дәүләт Советы депутаты Шәфәгать Тәхаутдинов котлады. Ул уникаль тәҗрибәгә, югары профессиональлеккә ия, нефть чыгаруга заманча якын килә торган нефть-газ чыгару идарәсенең уңышларын билгеләп үтте.
Скопировать ссылку
Әлеге тантаналы вакыйга белән идарә коллективын «Татнефть» ААҖ генераль директоры, Дәүләт Советы депутаты Шәфәгать Тәхаутдинов котлады. Ул уникаль тәҗрибәгә, югары профессиональлеккә ия, нефть чыгаруга заманча якын килә торган нефть-газ чыгару идарәсенең уңышларын билгеләп үтте.
Нефть-газ чыгару идарәсе башлыгы Миргазыян Таҗиев билгеләп үткәнчә, 600 миллион тонна нефть чыгару - ул «Әлмәтнефть» коллективы өчен чираттагы истәлекле дата. «Без хезмәтебезнең әлеге югары нәтиҗәсен Татарстан нефтенең 70 һәм Әлмәт шәһәренең 60 еллыгына багышлыйбыз», - дип ассызыклады ул.
Тантанада катнашкан Фәрит Мөхәммәтшин сүзләренчә, нефть-газ чыгару идарәсе башлыклары һәм тармак хезмәтчәннәре династияләре катнашында искиткеч хезмәт традицияләренә нигез салынган. «Минем әти «Әлмәтнефть» идарәсендә эшләде, үзем дә нефть-газ чыгару идарәсендә эшләү бәхетенә ирештем, улым монда практика үтте, - дип сөйләде Дәүләт Советы Рәисе. - Бүген ветераннар эстафетасын яшь буын күтәреп алды. Без санап чыгардык: безгә 700 миллион тонна нефтьне кимендә 25-30 ел көтәргә туры киләчәк».
Тармак үсешенә өлешләрен керткән нефть-газ чыгару идарәсе ветераннары һәм хезмәткәрләре Россия һәм Татарстанның дәүләт бүләкләренә, шулай ук корпоратив бүләкләргә дә лаек булган.
Вход на сайт
Язмага реакция белдерегез
Мөһим
loading
Комментарийлар