Балаларга елаганда юатыр өчен телефон яки планшет бирү ярыймы?

Сабый телефон аша мультфильмнарны 20 минуттан артык карамаса хәерле.
Чик-чамасын белгәндә компьютер уеннары, төренә карап, файдалы да булырга мөмкин. Алар тизлек реакциясен арттыра, тәвәккәллеккә, игътибарлы булырга өйрәтә.

Башлангыч сыйныф укучысына кыйммәтле телефон алмагыз.
Мәктәп укучысының, үзенә сиздерми генә, нинди сайтларга кергәнен, интернетта нинди мәгълүмат караганын күзәтеп барыгыз. Борчылырлык нәрсә тапсагыз, баланы әрләмәгез, тыныч кына аңлатыгыз. Бала сездән телефонын яшерә башламасын. Аның шикле сайтларга үзе эзләп түгел, төймә ялгыш басылып кергән булуын да истән чыгармагыз.

Телефонга бәйлелек тумасын өчен, вакыт-вакыт гаджетларны читкә алып куярга өйрәнегез.