Ирен тиресе өчен бальзамны өйдә ясау ЫСУЛЫ

Моның өчен 1 чәй кашыгы балавыз, 1/2 чәй кашыгы кокос мае, 1/2 чәй кашыгы миндаль мае, 1/2 чәй кашыгы ши мае һәм бер капсула Е витамины кирәк була.

Тагын бер рецепт: 1 чәй кашыгы балавыз, 1/2 чәй кашыгы какао мае яки бер телем ачы шоколад кисәге, 1/2 чәй кашыгы миндаль яки персик мае, 1/2 чәй кашыгы җитен мае, өчәр тамчы А һәм Е витамины кирәк.

Бөтен ингредиентларны даруханәдән алырга була.
Ирен кырыйлары бозылган булса, 3-4 тамчы балавыз төнәтмәсе дә тамызырга мөмкин. Ул ялкынсынуны ала.

Балавызны су мунчасында эретәбез һәм калган ингредиентларны кушып болгатабыз. Вазелиннан калган яки башка нәрсәдән бушаган кечкенә савытка тутырып куябыз. Мондый бальзам салкын урында өч-дүрт ай тора. Бальзамнан тәмле ис килсен өчен, әфлисун яки иланг-иланг эфир мае тамызыгыз. Аны катнашмага суына башлаганда кушарга кирәк.