Шәһри Казан

Күчемсез милеккә арест салсалар

Соңгы елларда күчемсез милеккә тыюлар салу 40 процентка арткан. Былтыр республикада шундый 111 меңнән артык арест очрагы теркәлгән Билгеле бер сәбәпләр аркасында күчемсез милек объектларына салынган тыюлар салым органнары, суд приставларыннан килгән документлар нигезендә Бердәм дәүләт реестрында теркәлә.

Әлеге мәсьәлә буенча халыкта туган сорауларга Татарстанның Росреестр идарәсе белгечләре җавап бирде.
– Суд приставлары фатирга арест салган иде. Хәзер ул тыюларны бетерергә дигән карар чыкты. Бу документ нигезендә ничә көннән фатирга тыюларны алырга тиешләр?
– Теркәү органнарына документ килгәннән соң, өч көн эчендә торактан тыюлар алына.

– Суд приставлары йортка тыюларны бетерергә дип карар чыгарды. Тик торак барыбер арест салынган килеш тора. Ни өчен?
– Кайбер очракта тыюны бетерү турындагы документларда ялгышлар китә. Тыюны бетерү һәм арест салыну турындагы документлардагы фактларда тәңгәллек булу мөһим. Бөтен мөһерләр, имзалар җитди тикшерелә. Документта реквизитлар, башка мәгълүматлар чагышмаса, документны тикшерү өчен вакыт таләп ителә. Шуңа йорттан тыю бетерү вакыты да озыная.

Реклама

– Торакка тыю салынганмы, юкмы икәнне ничек белеп була?
– Бу хакта мәгълүматны Бердәм дәүләт күчемсез милек реестрыннан алырга кирәк. Моның өчен Күп функцияле үзәккә, мөрәҗәгать итсәң дә була. Белешмәне Росреестрның рәсми сайты аша электрон формада алырга мөмкин.

– Йорттан тыю алынган дигән белешмәне үзем Росреестрга китереп күрсәтә аламмы?
– Мөмкин, тик Росреестр канун нигезендә барыбер тыю салган органга мөрәҗәгать итәргә, җавап алырга тиеш булачак.

Эльвира Мозаффарова әзерләде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: