Шәһри Казан

Кытайча дөге белән йомырка

Кирәк булачак: 1 стакан пешкән дөге, 1 стакан яшел борчак (катырылган).

4-5 шт чи йомырка, тәменчә соя соусы, яшел суган, кыздыру өчен үсемлек мае, су.

Бездә йомырка тәбәсе бик популяр булган кебек, Кытай халкы кызган дөге белән йомыркадан ясалган ризыкны яратып ашый. Бу ризыкны әзерләү өчен алдан пешерелгән дөге кирәк булачак. Кытайда аны кибеттән сатып алып та була. Шулай ук сарымсак өстәргә дә була яки гөмбә, төрле яшелчәләр, ит яки диңгез ризыклары да куша аласыз.

Йомырка белән су, соя соусын кушыгыз да, яхшылап туглагыз. Яшел борчак белән, туралган суган кыягын да өстәгез. Табада 3-4 минут тирәсе үсемлек маенда дөгене кыздырыгыз. Тугланган йомыркалы массаны салыгыз. Болгатып пешереп бетерегез. Таякчыклар белән тотып ашарлык ризык барлыкка киләчәк. Табынга яшел суган белән бизәп бирегез.

Реклама

Ашларыгыз тәмле булсын!

Фото: социаль челтәрләрдән

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: