Күзләре начар күрүчеләр өчен академик Филатовтан тылсымлы РЕЦЕПТ

100 гр алоэ согы, иттарткыч аша чыгарылган 500 гр әстерхан чикләвеге, 300 гр бал, 3-4 лимон согын кушып болгатырга да көненә өч тапкыр, ашарга ярты сәгать кала, берәр десерт кашыгы ашарга. Әлеге рецептны күзләр яхшы күрә башлаганчы кулланырга кирәк. Күрү сәләтен яхшыртып кына калмыйча, ул организмны да ныгыта.
Әмма шуны истә тотарга кирәк: алоэ ике-өч яшьтән дә яшьрәк булырга тиеш түгел. Алоэның аскы яки урта яфракларын кисегез. Кайнаган су белән юып, «тешләрен» кисеп алыгыз. Вак итеп турап, ике кат марля аша согын сыгыгыз. Филатов яфракларны кисеп алуга турарга кушмаган. Тәлинкәгә куеп, ун-унике көнгә суыткычка куярга киңәш иткән ул. Бу вакыт арасында һәм шул шартларда алоэда «биоген стимулятор» исемен алган матдәләр барлыкка килә икән. Суыткычтан алгач, яфракларны тагын бер кат юалар.

^{Фото: ya-viju.ru}