16+

Шашлыкка дигән ит катырак булса, киви кулланыгыз

Шеф-повар Павел Федотовтан тәмле, сусыл, авызда эреп китә торган шашлык әзерләү буенча файдалы киңәшләр.

Шашлыкка дигән ит катырак булса, киви кулланыгыз

Шеф-повар Павел Федотовтан тәмле, сусыл, авызда эреп китә торган шашлык әзерләү буенча файдалы киңәшләр.

Маринад өчен ике уртача зурлыктагы суганны боҗралап турыйбыз һәм согын чыгарырлык итеп кул белән йомшартабыз. Тәмләткечләр кушабыз. Аш серкәсе урынына бер чәй кашыгы лимон согы алырга була. 

Май һәм тоз кулланмыйм. Беренчесе иттә элпә хасил итә һәм суган согы җепселләргә үтеп керә алмый. Ә тоз ит согын үзенә сеңдерә, шуңа да ит коры булырга мөмкин. Тозны шашлыкны мангалда кыздырыр алдыннан гына сибәргә яки ашарга утыргач кулланырга була. 

Итнең йомшаклыгыннан шикләнсәгез, “тиз” маринад әзерләгез. 2 кг иткән бер йомшак киви, тоз, суган, борыч һәм үсемлек мае алабыз. Бу маринадта итне 30 минут тотасы була.  

Күмерне дөрес сайлау да мөһим икән. Күмер эре булган саен яхшы ди. Ул озаграк яна һәм кызуы да саклана. Күмер янып бетеп, бераз гына суынырга һәм “агарырга” тиеш. Шуннан соң гына шашлык пешерә башларга була. Кулыгызны мангалга таба сузып карагыз. 20-25 см арада учыгызны 7-8 секунд тотып тора алсагыз, итне пешерергә куярга була. шашлыкны гел әйләндереп тормагыз, ике-өч тапкыр да җитә. Кызган итне фолҗгага төреп 10-15 минут та тотарга кирәк икән. Шашлык янына яшелчә салаты, яшел тәмләткечләр, баллы кызыл суган, юка лаваш, тандыр күмәче һәм соус куегыз. (“Москве 24”)

Фото: https://pixabay.com/ru

Язмага реакция белдерегез

2

0

0

0

0

Реакция язылган инде

Комментарийлар

Мөһим

loading