Тел йотарлык бәлеш пешерү СЕРЛӘРЕ

Он салып, кулга ябышмас булганчы басабыз. Камыр каты да, артык йомшак та булмаска тиеш.

Эчлек: 1:1 исәбеннән бәрәңге һәм ит турыйбыз. Сыер итенә каз йә үрдәк ите кушсаң, бәлеш тагын да тәмле һәм шулпалы була. Уртача зурлыктагы 3-4 баш суган турап салабыз, тоз һәм борыч сибеп, барысын бергә болгатабыз. Бәлеш ясыйбыз. Өстен каплаганчы, бер стакан кайнап торган шулпа өстибез. Бәлешебезне мичкә озатабыз.

Тел йотарлык бәлеш пешерүнең кайбер серләре:

– бәлеш шулпалы булсын өчен, суганны кызганмагыз;

– тиз пешсен өчен, аерым кәстрүлдә туралган итне алдан пешереп салырга кирәк. Әмма истә тотыгыз: каз һәм үрдәк ите аерым пешерелми. Шул ит пешкән шулпаны бәлеш эченә салыгыз;

– бәлешнең ас камырын табага җәйгәч, уртасына тишек ясап, камырын кисеп алыгыз;

– камырның кырыйларын шулпа агып чыкмаслык итеп яхшылап табага ябыштырырга кирәк. Монын өчен таба майлаганда уртасына тимәскә кирәк.

– бәлешкә шулпаны салып өстен каплагач, аны берничә минутка газ плитәсе өстенә уртача кызулыктагы утка куябыз. Бәлеш эченнән кайнау тавышы килә башлауга, аны мичкә озатабыз.

– бәлеш өсте килеп, әле эчлеге пешеп бетмәгән булса, өстенә фольга каплап, сүрән утта пешереп бетерегез.

Фәния Йосыпова, Казан