Иске мебельне чыгарыр урын була

Чаллыда моның өчен махсус мәйданчыклар төзелә башлаган. 2015 елның 1 гыйнварыннан зур күләмле чүп-чарны читкә чыгару тәртибе үзгәрде. Элек бу эш идарә компанияләре җаваплылыгында булса, хәзер махсус оешмаларга йөкләнә. Иске-москылар атнага бер тапкыр һәр подряд оешмасы мәйданыннан чыгарыла. Мәсәлән, "Мехуборка" хезмәткәрләре "Челныстройремонт" һәм "Электротехников" идарә компанияләре хезмәт күрсәтә торган йорт яннарын эре габаритлы калдыклардан арындыра. "Горкоммунхоз" исә калган идарә компанияләре белән эшли. Мондый төгәл график бернинди өзекләрсез эшләргә ярдәм итә ди, оештыручылар.