#Кыскача яңалыклар 20 декабрь 2022, 14:04

8 яшьлек кыз көмешкә белән агуланган

20 декабрь 2022, 14:04

Башкортстанда Туймазы районы авылларының берсендә 19 декабрь кичендә нәни кыз белән бәхетсезлек булган. "Башинформ" агентлыгы язганча, җирле хастаханә реанимациясенә 8 яшьлек кызны ашыгыч рәвештә алып килгәннәр. Табиблар баланың алкоголь белән агулануын диагнозлаганнар.

Скопировать ссылку

«Беренчел мәгълүматларга караганда, кыз очраклы рәвештә көмешкә эчкән. Аның туганы аңлатканча, көмешкә „Кола“ шешәсенә салынган булган. Спиртлы сыеклык салынган савытны суыткычка куйганнар. Кыз моны популяр эчемлек дип уйлаган һәм сыеклыкны эчеп куйган. Аның хәле начарланган, хастаханәгә илтәргә туры килде», — дип хәбәр иткән мәгълүмат агентлыгының әңгәмәдәше.

Билгеле булганча, гаилә имин, исәптә тормый. Хәзер хокук сакчылары әлеге хәлнең барлык нечкәлекләрен ачыклый.

Кызыклы яңалыкларны күзәтеп бару өчен безнең МАХ каналына кушылыгыз.