Шәһри Казан

Фатирларны арзанрак бирергә җыеналар

Татарстанның Дәүләт торак фонды фатирларны арендага 30 процентка арзанрак бәя белән бирергә уйлый. Шул нисбәттән, Татарстанның һәрбер район үзәгенә 10-30 фатирдан торган берәр арендалау йорты төзергә исәплиләр. Дәүләт торак фонды башкарма директоры Тәлгать Абдуллин сүзләренә караганда, бу фатир арендалауга чын ихтыяҗны күрсәтәчәк. Әлегә Казанда мондый йортларга артык зур сорау юк....

Реклама

Татарстанның Дәүләт торак фонды фатирларны арендага 30 процентка арзанрак бәя белән бирергә уйлый. Шул нисбәттән, Татарстанның һәрбер район үзәгенә 10-30 фатирдан торган берәр арендалау йорты төзергә исәплиләр. Дәүләт торак фонды башкарма директоры Тәлгать Абдуллин сүзләренә караганда, бу фатир арендалауга чын ихтыяҗны күрсәтәчәк. Әлегә Казанда мондый йортларга артык зур сорау юк. Социаль ипотекага алуны кулайрак күрәләр. Ә менә республика төбәкләрендә киресенчә, яңа оешып килгән сәнагать зоналарында яшәү урыннары җитеп бетми. Мәсәлән Алабуга зонасы шундыйлардан. Бүгенге көндә Чаллы шәһәрендәге IT-парк янында 108 фатирлы аренда йорты төзелеп килә. Анда бер бүлмәле фатирны арендалау аена 7000 мең сум, ә ике бүлмәлесендә яшәү 9 меңгә төшәчәк. Базар бәяләре буенча исәпләгәндә шактый кыйммәткәрәк чыга. Бүген Чаллыда бер бүлмәле фатир арендалау 8-10 мең сум аралыгында тирбәлә. Узган ел мондый программа буенча 42 йорт гамәлгә кергән. Тагын шундый 21 торак йорт төзергә планлаштыралар.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: