Казанга бозлы яңгыр килә

Казан федераль университеты профессоры, география фәннәре докторы Юрий Переведенцев «Татар-информ» агентлыгына шулай дип белдерде.

«Бу җомгада без чираттагы циклон йогынтысында булачакбыз, ул Казанга җылы һава алып киләчәк. Ял көннәрендә көндезге сәгатьләрдә 0 градус көтелә. Һава торышына Төньяк Атлантика һәм Урта диңгездән килгән циклоннар йогынты ясаячак», - дип ачыклык кертте галим.

Метеоролог билгеләп үткәнчә, декабрь башында Казан Себер антициклоны йогынтысында булган, шунлыктан салкыннар да, явым-төшем дә күзәтелмәде.

«Шуннан соң безгә Урта диңгездән көньяк циклоннар килде. Җомга көнне Казан янә көньяк циклон йогынтысында булачак, кар һәм яңгыр явуы көтелә», - дип искәртте Переведенцев.

Чыганак - "Татар-информ"