Киләсе елда ничек ял итәчәкбез?

Кабминның Телеграмдагы рәсми каналында хәбәр ителгәнчә, яңа елда 1 һәм 8 гыйнвар көннәре якшәмбегә туры килә. Эшләми торган бәйрәм көннәре булу сәбәпле, бу көннәрне 24 февраль – җомга көнгә һәм 8 май – дүшәмбе көнгә күчерү карары кабул ителгән.

Яңа ел каникулы 2022 елның 31 декабреннән 2023 елның 8 гыйнварына кадәр була. Шулай ук 29 апрельдән 1 майга кадәр, 6 майдан 9 майга кадәр, 10 июньнән 12 июньгә кадәр, 4 ноябрьдән 6 ноябрьгә кадәр эшләми торган көннәр була, диелә хәбәрдә.

Чыганак - "Татар-информ"