Шәһри Казан

Пенсияне элекке шартлар буенча да алып булачак

Дәүләти булмаган пенсия фондлары пенсияне элеккеге шартларда, 2019 елның 1 гыйнварына кадәр төзелгән килешүләр буенча «иске» пенсия яше кысаларында билгеләвен дәвам итәчәк.

Бу хакта РИА Новости агентлыгына сылтама белән Татар-информ хәбәр итә.

«Известия» газетасы гражданнарның социаль түләүләрнең дәүләтнеке булмаган өлешен иске кагыйдәләр буенча (хатын-кызлар – 55, ир-атлар 60 яшьтән) алачагы хакында язып чыккан иде.

Реклама

«Дәүләтнеке булмаган пенсияләрне иске нигездә, әмма 2019 елның 1 гыйнварыннан соң төзелгән пенсия килешүләре буенча билгеләү мөмкинлеге өйрәнелә. Аерым алганда, Россия Хезмәт һәм социаль яклау министрлыгы, социаль-икътисади нәтиҗәләргә анализ ясау өчен, Россия Банкы, Финанс һәм Икътисади үсеш министрлыкларының әлеге мәсьәлә буенча позицияләрен белеште», - дип искәрттеләр ведомствода.

Моннан тыш, хезмәт эшчәнлеген вакытыннан алда туктату өчен тиешле шартлар үтәлгән очракта, пенсияләр 60 һәм 55 яшькә кадәр дә билгеләнергә мөмкин.

Анна Арахамия фотосы
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: