1 декабрь иртәсендә ЮХИДИ җәмәгать транспортын тикшерү буенча рейд үткәрәчәк

1 декабрьдә 9:00 дән 11:00 гә кадәр Казанның ЮХИДИ Вахитов районы Яхин урамында дәүләт автоюл күзәтчелеге төбәкара идарәсе хезмәткәрләре белән берлектә рейд үткәрәчәк. Бу вакытта җәмәгать транспорты тикшереләчәк.
ЮХИДИ хезмәткәрләре транспорт чараларының торышына игътибар итәчәк, машина йөртүчеләрдән автобуслар белән идарә итү өчен кирәкле документларны күрсәтүләрен сораячаклар. Шулай ук юл хәрәкәте кагыйдәләрен бозган өчен административ штрафлар түләүдән баш тартучы йөртүчеләр белән әңгәмә үткәреләчәк.