10 яшьлек кыз һәм аның әнисе янгында һәлак булган

Башкортстанның Бүздәк районында котычкыч янгын ике гомерне өзгән. Янгын турындагы хәбәр коткаручыларга 24 июль иртәсендә килеп ирешә.

Фаразлар буенча, янгын урамдагы мичтән чыккан һәм каралты-кураларга, соңрак өйгә капкан. Янгынны сүндергәннән соң күмер өеме астында 10 яшьлек кыз бала һәм 37 яшьлек хатын-кызның гәүдәсен тапканнар. 14 яшьлек егет һәм 2 яшьлек кыз исән калган. Алар хәзер хастаханәдә. Үсмернең хәле әлегә авыр, дип хәбәр итә “Башинформ”.