#Кыскача яңалыклар 08 мая 2015, 14:09

20 меңне алырга теләүчеләрдән гаризалар кабул ителә башлады

08 мая 2015, 14:09

Кризиска каршы чаралар кысаларында, "Балалары булган гаиләләргә дәүләттән өстәмә ярдәм чаралары турында"гы Федераль Закон нигезендә ана капиталының 20 меңен кулга алырга рөхсәт ителде.

Скопировать ссылку

Бу ярдәм бары 2015 елның 31 декабренә кадәр туган балалар өчен генә каралган. Моңа кадәр сертификат алып, ана капиталын тулысынча кулланырга өлгермәүчеләр дә әлеге 20 меңне алырга хокуклы. Татарстан буенча Россия Пенсия фонды идарәсенең Совет районы бүлекчәсе матбугат үзәге хәбәр итүенчә, ана капиталыннан бер тапкыр бирелә торган 20 меңне алу өчен шушы көннәрдә гаризалар кабул ителә башлады. Документларны 2016 елның 31мартыннан да калмый теркәлү буенча Пенсия фондына тапшырырга кирәк. Гаризада СНИЛС номеры, ана капиталы сертификатының сериясе номеры күрсәтелә. Шулай ук үзең белән паспорт, банктан исәп счетыңның реквезитлары турында белешмә алырга кирәк. Шул исәп счетына ике ай эчендә 20 меңне күчерергә тиешләр. Әлеге акчаларны гаилә теләгән максатында файдалана ала.