#Кыскача яңалыклар 17 октября 2020, 14:09 Уку өчен 2 минут

Акча эшлим дип, миллион сум акчасынннан колак каккан

17 октября 2020, 14:09

Уку өчен 2 минут

Әлмәттә яшәүче 43 яшьлек хатын-кыз зур суммадагы акчасын урлаулары турында хәбәр иткән. Бу хакта Татарстан буенча Эчке эшләр министрлыгы матбугат хезмәте хәбәр итә.

Скопировать ссылку

"Хатын фонд биржасында акча эшләргә теләгән, билгеле бер сайтка кереп үз мәгълүматларын калдырган. Берникадәр вакыттан соң аңа ир-ат шалтыраткан һәм акча эшли башлау өчен чит ил валютасын сатып алырга кирәк, дигән. Аннары ир-ат күрсәтмәләре буенча зыян күрүче үз компьютерына программа урнаштырган һәм шуңа 15 мең сум акча керткән. Шулай ук хатын-кыз үзенең кайда яшәвен хәбәр иткән, банк карталары мәгълүматлары һәм шәхси кабинетка керү өчен мәгълүматларын да калдырган ", - диелә хәбәрдә.

Шуннан соң ир-ат даими рәвештә акча эшләү өчен "тиешле күрсәтмәләр" биргән, ә зыян күрүче берничә тапкыр аңа төрле суммалар җибәргән (моның өчен ул хәтта банклардан кредитлар да алган). Зыян 1 млн сумнан артык тәшкил иткән.

Хәзер полиция хезмәткәрләре шикләнелүчеләрнең шәхесләрен билгели. Җинаять эше кузгатылган.

Кызыклы яңалыкларны күзәтеп бару өчен Вконтактега кушылыгыз.

#мошенник