Александр Масляков урынына КВНны башка кеше алып барачак 

Александр Масляков, сәламәтлеге белән бәйле рәвештә, КВН уеннарын алып бара алмый. Аны вакытлыча шоумен һәм актер Дмитрий Нагиев  алыштырачак. Бу хакта КВНның "Инстаграм" битендә хәбәр ителә.
Нагиев үзе РИА "Новости"га хәбәр иткәнчә, Масляковны ул гына алыштырмаячак. "Александр Васильевичны алмаштырырга мөмкин түгел! Аны берничә алып баручы алыштырачак. Ә мин шуларның беренчесе», - дигән ул.
Исегезгә төшерәбез, 2 февральдә Масляков видеомөрәҗәгатендә кабат ковид йоктыруын хәбәр итте.