Алинә Заһитовага ачык хат язганнар: Туктатыгыз бу мәхшәрне!

Олимпия чемпионы Максим Тараньков “Спорт день за днем”га биргән әңгәмәсендә Алинә белән Евгенияның (Медведева) һәрбер сулышы уңаеннан комментарий бирү туйдырганы, Олимпиадада бөтенесенең Медведева өчен җан атуы, ә Алинәне белүче дә булмавы турында сөйләгән. Шулай булуга да карамастан, Заһитованың җиңүе лаеклы, дип өстәгән Тараньков. Макаров сүзләренчә, шушы әңгәмәдән соң Алинәнең җанатарлары Максим Тараньковка ябырылган, социаль челтәрләрдә аңа әшәке сүзләр язган, хәтта янаучылар да булган, имеш. Хат авторы Алинәдән Медведева, Тараньков, Тарасова, Войцеховская адресына “елга булып” агыла торган “кыргый” хәбәрләр белән бәйле әлеге хәлгә йогынты ясавын үтенгән. “Сез әңгәмәләрне сирәк бирәсез, әмма хәзер киң җәмәгатьчелеккә үз сүзегезне әйтер вакыт. Сезне яратучыларны социаль челтәрләрдәге пычраклыктан арынырга чакырыгыз. Интернет-сугышны туктатыгыз”, диелә ачык хатта.

Фото: pikabu.ru