#Кыскача яңалыклар 18 октября 2018, 15:31

«Альпари» кибетләре бетерелә

18 октября 2018, 15:31

Казанда косметика һәм көнкүреш химиясе сатыла торган «Альпари» кибетләре башка исем белән аталачак. Моннан соң ул «Улыбка радуги» дип йөртеләчәк. Бу хакта «Вечерняя Казань» газетасы хәбәр итә.

Скопировать ссылку

Әлеге карар акцияләрнең контроль пакетын «Улыбка радуги» кибетләр челтәрләрен тотучы «Северное» компаниясе сатып алганнан соң кабул ителгән.
Кибет исемнәрен бу айда ук алыштыра башлаячаклар. Һәм бу эшләр ел ахырына кадәр дәвам итәчәк. Әлеге яңалык сатып алучыларга тәэсир итмәячәк, дип ышандыра хуҗалары, чөнки барлык ассортимент та шул ук кала.
Компаниянең рәсми сайтыннан алынган мәгълүматлар буенча, челтәрдәге кибетләр саны 150 гә җитә. Алар Татарстаннан кала Екатеринбургта, Пермь краенда, Башкортстанда һәм Мари Эл Республикасында бар.