Россиядә сыйныф җитәкчелеге һәм кураторлык өчен түләүләрне икеләтә алу 565 меңнән артык педагогка кагылачак, беренче түләүләр апрельдә булачак.
Бу хакта Россия вице-премьеры Татьяна Голикова хәбәр итте. "1 марттан 100 мең кешедән азрак халкы булган торак пунктлардагы мәктәпләрнең һәм көллиятләрнең педагогик хезмәткәрләренә сыйныф җитәкчелеге һәм кураторлык өчен акча 5 мең сумнан 10 мең сумга кадәр арттырыла", – дип ачыклык кертте ул.
Вице-премьер өстәп әйткәнчә, сентябрьдан хөкүмәт мәктәп һәм урта һөнәри белем бирү оешмалары директорлары киңәшчеләре өчен 5 мең сум күләмендә түләү кертәчәк. Чара 32 меңнән артык кешене колачлаячак.
Комментарийлар