#Кыскача яңалыклар 17 май 2017, 11:11

Банклар эше буенча эшче төркем булачак

17 май 2017, 11:11

"Татфондбанк" буенча сораулар хәзер дә тынмый. Хөкүмәт бу мәсьәләдә халыкка ярдәм юлларын эзли. Күптән түгел Татарстан Президенты Рөстәм Миңнеханов Мәскәүдә "Кертемнәрне иминиятләштерү агентлыгы" дәүләт корпорациясе генераль директоры Юрий Исаев белән күрешеп сөйләште, дип хәбәр итә Татарстан Икътисад министрлыгының матбугат үзәге. Җитәкчелек "Татфондбанк", "Интехбанк"ны ликвидацияләү хакында фикер алышкан, чара кысаларында бу...

Скопировать ссылку

Тиздән Татарстан Республикасы башкарма хакимияте һәм кертемнәрне иминиятләштерү агентлыгы вәкилләреннән торган эшче төркем оешачак. Бу банкларны ликвидацияләү эшләренең ачык, ялгансыз баруын күзәтү өчен дә эшләнә. Биредә кредиторларны иминиятләштерелгән кертемнәр реестрына кертү, милек мәсьәләре дә хәл ителәчәк.

Вакыйгаларның үзәгендә кайнаган кредиторлар проблеманың чишелешен күзәтеп бара алсын өчен бу эштә үзләре дә катнашырлар дип көтелә. Кредиторлар комимететы нәкъ менә «Татфондбанк» һәм «ИнтехБанк»ның зыян күргән клиентларыннан төзеләчәк. Кертемнәрне иминятләштерү агентлыгы хезмәткәрләре Рөстәм Миңнеханов карары белән Татарстанда эшмәкәрләргә кагылышлы сорауларны хәл итү максатыннан оештырылган, икътисад министры Артем Здунов җитәкләгән эшлекле төркем утырышларында да катнашачак.