Бер айлык сабыйны коронавирустан дәвалаганнар

Бу хакта өлкәнең сәламәтлек саклау министрлыгының матбугат хезмәте хәбәр итә.

Хәбәрдән күренгәнчә, бүген Самара өлкәсе балалар йогышлы авырулар хастаханәсеннән коронавирусны җиңгән бер айлык сабыйны чыгарганнар. Табиблар сабыйның авыруны туганнарыннан эләктерүе һәм әнисенең дә хастаханәдә дәваланып чыгуы турында белдерә. икесенең дә хәле авыр булуга карамастан, хәзер инде әни белән нарасый үзләрен әйбәт хис итә икән.

Самара өлкәсендә барлыгы 2724 кеше коронавирус эләктергән. 22се вафат булган.