16+

Беренче татар клавиатурасы барлыкка килде

Ә, Ң, Җ, Ө, Ү, Һ - алты татар хәрефе кергән үзенчәлекле клавиатураны Казандагы "Теория" дизайн студиясе хезмәткәрләре эшләгән. Татарча яза торган клавиатуралар бар иде анысы. Хәтта, кесә телефоннарында да татарча сүзләр җыярга була. Гамәли семиотика институты галимнәре информацион технологияләрдә татар телен булдыру эшенә зур урын бирә. iPhone, iPadлар өчен...

Ә, Ң, Җ, Ө, Ү, Һ - алты татар хәрефе кергән үзенчәлекле клавиатураны Казандагы "Теория" дизайн студиясе хезмәткәрләре эшләгән. Татарча яза торган клавиатуралар бар иде анысы. Хәтта, кесә телефоннарында да татарча сүзләр җыярга була. Гамәли семиотика институты галимнәре информацион технологияләрдә татар телен булдыру эшенә зур урын бирә. iPhone, iPadлар өчен...


Баштарак бу клавиатурадан 2-3 мең кеше генә файдаланса, соңгы бер ел эчендә кушымтаны телефонына күчерүчеләр саны 10 меңнән артып китте,- ди Гамәли семиотика институтының директор урынбасары Ринат Гыйльмуллин.

Бүген компьютерда татар шрифты бар. Ә Казан дизайнерлары татарча алты хәрефне клавиатурага аерым төймә буларак өстәгәннәр. Ягъни татарча язарга теләсәң, татарча шрифтка күчеп торырга кирәкми, ул хәрефләр клавиатураның уртасында урнашканнар. Белгечләр әйтүенчә, бу текстны җыйганда бик уңайлы. Беренче татарча клавиатура "Басма" дип атала. "Басма"ның тагын бер үзенчәлеге, ул инглизчә, русча текстларны да шрифтны күчермичә генә җыярга мөмкинлек бирә, шулай ук анда өтер, нокта кебек тыныш билгеләре өчен аерым төймәләр каралган.

Тышкы рәвешенә килгәндә, "Басма" гадәти клавиатурадан әллә ни аерылмаячак, бары аз гына озынрак, киңрәк кенә булачак икән. Клавиатураның үрнәк итеп ясалган вариантын инде сынарга да өлгергәннәр.Тиздән бу клавиатураны күпләп җитештерергә дә уйлыйлар. Дөрес, моның өчен шактый чыгымнар таләп ителәчәк.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading