Бүген – халыкара күршеләр көне

Күршеләр көне ул бер өйдә, ишегалдында яшәүчеләр генә түгел, идарә компанияләре, администрацияләр, эшмәкәрләр өчен дә бәйрәм. Проектның төп максаты - күршеләрчә дус мөнәсәбәтләрне үстерү. Әлеге дуслык йорт-ишегалдыннан башланып, күрше территорияләрдә урнашкан муниципалитетлар дәрәҗәсенә кадәр булырга тиеш. Бүгенге көндә, кызганыч, күршеләр арасында дуслык элемтәләре югала бара, ишегалдында утырып торулар юк хәзер, хәтта күрше фатирда кемнәр яшәгәнен дә белмибез. Ә күршеләр алар бик кирәк. Күрше хакы - Алла хакы, дип юкка гына әйтмиләр.