Биш үсмер билгесез матдә белән агуланган, өчесе-авыр хәлдә

«Бөтен Уфа» телекомпаниясе мәгълүматлары буенча, аларны Сипайлово микрорайонында урнашкан бер фатирда тапканнар.

«Башинформ» хәбәр итүенчә, яшүсмерләр билгесез матдә белән агуланган һәм спиртның токсик тәэсиреннән зыян күргән.

Хәзерге вакытта балалар хастаханәдә дәвалана. Өчесе авыр хәлдә, икесенең хәле уртача авырлыкта дип бәяләнә.