#Кыскача яңалыклар 28 августа 2018, 08:08

Бурычлыларны җайланма билгели

28 августа 2018, 08:08

Һәр атна суд приставлары, ЮХИДИ хезмәткәрләре белән берлектә, рейдлар уздыра. «Юл приставы» аппарат-программалы комплексы 2013 елдан бирле эшли. Бурычлы кешеләрне тоткарлау буенча ул нәтиҗәле алым булып санала.

Скопировать ссылку

Быелның җиде аенда суд приставлары рейд кысаларында 7,5 миллион сум бурычны кайтара алганнар, 69 транспорт чарасына арест салынган. Юл приставы рейдында файдаланыла торган махсус җайланма кешенең бурычларын ачыкларга ярдәм итә. Юлда берничә полосадан барган машиналар арасыннан ул бурычы булган хуҗаны танырга сәләтле. Шул рәвешле ЮХИДИ хезмәткәрләренең дә эше җиңеләя, һәр очраган машинаны туктатырга туры килми. Аппарат машинаның теркәлү номерын «укып», бурычлы кешеләрне базадан карап ачыклый. Бу җайланма белән төнлә дә эшләргә мөмкин икән. Яңгырлы, карлы көннәрдә дә, салкында да җайланмага зыян килми.

#суд приставлары #рейд