Быел татарстанлыларны җәй көне өч кыска эш атнасы көтә

Агымдагы елда Татарстанда яшәүчеләрне җәй көне өч кыска эш атнасы көтә. Бу хакта ТР Хезмәт министрлыгының матбугат хезмәтендә искә төшерделәр.

Кыскартылган эш атналарының икесе июнь аенда булачак. Беренче озын ял көннәре Россия көнендә 10-12 июнь көннәрендә булачак.

Киләсе шундый ял көннәре июнь ахырында булачак, чөнки 28 июньдә Татарстанда Корбан бәйрәме билгеләп үтелә, ул да Татарстан Рәисе Указы белән ял көне булачак. Ә өченче кыска атна-августның соңгы атнасында, чөнки 30 август Республика көне буларак билгеләп үтеләчәк.