Чаллыда эстрада йолдызы булачак 18 яшьлек кыз инфаркттан үлгән

Чаллыда Алабуга мәдәният һәм сәнгать колледжы студенты вафат булган. 18 яшьлек кыз 8 мартта комага киткән. Шушы көннәрдә вафат та булган. Педагоглар аны сәхнәдә зур уңышларга ирешер, эстрада йолдызы булыр дип өметләнгән.  
Студентның танышлары сөйләгәнчә, үзен кинәт кенә начар хис итеп, ул ятып торам дигән. Шуннан аңын югалткан. Табиблар  бер айдан артык аның гомере өчен көрәшкән. Ул Чаллыда үскән, гаиләсе дә шул ук шәһәрдә яши, дип яза, "Комсомольская правда".