Чулпан Йосыпова күңелле яңалык җиткерде

Җырчы вокал буенча дәресләр бирергә җыена һәм теләгән һәркемне үзенә чакыра. “Моннан 7 ел элек Казан театр училищесында вокал дәресләре биргән идем. Белемем буенча да мин – вокал укытучысы. “Сез вокал дәресләре бирмисезме?” - дип бик күп сораулар килә директка. Киләсе атнадан вокал дәресләре бирә башлыйм. Теләгегез булса, директка языгыз әле. Вокал дәресләре ул җырчы булыр өчен генә түгел, ә үзең өчен, күңел өчен, хатын-кызлар өчен, гомумән, бик кирәкле шөгыль”, - дип язган Чулпан.

Җырчы шулай ук үзеңне кеше арасында матур тоту, оялмау буенча да киңәшләрен бирергә әзер. “Дәресләр өйдә уза. Музыка уен кораллары, аппаратура, микрофон – бөтен шартлар да каралган”, - ди җырчы.